Mynta ka sngi, ym don editorial ki kotkhubor

Shillong, 19 Lber:
Kum ka jingsngew pyrshah, halor ka jingsngap mynthi jong u myntri rangbah ka Jylla, halor ka jingdawa, ba un weng noh ia ki ktien, kiba ula kren pyrshah ia ki kotkhubor, ha iing dorbar Jylla, ka Meghalaya Editors & Publishers Association (MEPA), ka la rai ban pynpaw, ia ka jing pyrshah jongka, da kaba kan nym pynmih editorial ha ka peij editorial jongka, na ka bynta ka sien mih, kaba ha ka 20tarik Lber 2015.
Ka jing ia kynduh jong ka MEPA, kaba long mynta ka sngi, ka la shim ia ka rai ban pynpaw, ia ka jing pyrshah jongka, halor ka jingkynnoh jong u myntri rangbah, ba ki kotkhubor, ki dei ki nong pynphriang khubor, jong ki lehnoh bad ba u kynnoh ruh, ba ki kotkhubor, ki pynmih tang ia ki khubor, kiba siew ia ki da ka pisa.
U Mukul Sangma myntri rangbah ka Jylla, ha ka jingkren jongu, ha ka 10tarik Lber 2015, ha iing dorbar Jylla, ula ong ruh ba ka sorkar kan thaw da ki ain ban teh lakam ia ki kotkhubor.
Kham mynshwa, ha ka 16tarik Lber 2015, ka MEPA, ka la thoh sha u myntri rangbah bad kyrpad, ba un weng noh ia katei ka jingthoh, kaba long pyrshah ia ki kot khubor jong ka Jylla bad kaba ula kren ha iing dorbar Jylla.