Mynta ka sngi sumar kjat khyllung ha ka pyrthei

Shillong, 2 Jylliew:
Ia ka Ponseti International Association (PIA) yn rakhe lashai ka sngi ka 3 tarik kum ka World Clubfoot Day ne ka sngi sumar khat. Ka tarik ba la jied ban rakhe ia ka sngi kha jong u Dr .Ignacio Ponseti, (1914 – 2009) u nongshem ia ka Ponseti Method ban sumar ia ki jingpang kjat.
Ka CURE International India ka la sdang ia kane ka kam jongka ha u Iaiong, 2009 ban weng noh ia ka jingpang kjat. Ia mynta kumba 8191 ngut ki khynnah ki la dep pynrung kyrteng ialade ha kane ka prokram ha ka ri baroh kawei.
Palat 150 ngut ki khynnah la kha da ka jingpang kjat ha India man ka sngi, ka jingtrei ka CURE International India ka long kaba donkam ban pynduh noh ia kane ka jingpang kjat.
Lyngba ka jingtreikam jong ka CURE International India, la pynshai paidbah ba ka jingpang kjat jong ki khyllung dei ban sumar bha namar ba lada leh sting kan ialam sha ka jingpang syndon haduh ban da heh.