Mynta ka sngi sdang ka karate ka AMKDA

Shillong: Ka All Meghalaya Karate-Do Association (AMKDA) kan sdang ia ka lympung ba 2 sngi jong ka ba la tip kum ka 28th State Karate Championship 2019 ha Indoor Sports Hall, JN Sports Complex, Polo Ground, Shillong ka ban sdang naduh lashai ka sngi ka 1tarik bad 2 tarik u Naiwieng. U Bah Joe Marwein bad u Bah Banri F. Lyndoh, Senior Karatekas, kin long ki kongsan ha katei ka jingplie pyrda bad pynhap pyrda ka lympung.

Ki nongjop ha kane ka lympung kin shah jied ban mih khmat ia ka jylla ha ka North East National Karate Championship bad ka KAI National Karate Championship ka ban sdang ha u Nohprah mynta u snem bad ha u Kyllalyngkot, 2020. Kane ka long katkum ka kyrwoh na u Ksan Kupar Warjri, General Secretary ka AMKDA.