Mynta ka ‘rally’ ki khynnah pule, ka KNGC

Jowai, 21 Jylliew:
Ki Khynnah pule jong ka Kiang Nangbah Govt College Jowai kin pynlong da ka jingiaid paidbah lashai ka sngi ka 22 tarik ha ka por 10 baje mynstep naduh Compound College shaduh sha DC Office na ka bynta ban ban dawa ia ki mat jing dawa kiba dang sahteng mynta la bun bun snem bad kumjuh ruh ba kin dawa na ka sorkar ba kan thaw ia ki lad na ka bynta kito kiba duh class ia kiba la kot sha 1000 ngut tam.
Kane ka jingiaid paidbah na ka liang jong ki khynnah pule ki la kyrpad ia ki paidbah naduh ki long kmie long kpa, samla bad khynnah ba kin iasnoh kti lang khnang ba kane ka jingdawa jong ki kan long kaba jop na ka bynta jong jingmyntoi ia baroh.