Mynta ka Mission pyrshah Nongdawah ha ka Elimination round, Thangshalai pyrshah Mawiong ha ka Semi-final

Mawryngkneng: Ka jingialehkai Football jong ka Mawryngkneng Greater Footballn League 2018-19 ka la poi sha ka bynta kaba khatduh jong ka Tournament ha kaba ha ka 1st Division ka jingialehkai ka la poi sha ka Top Four Round bad ka 2 nd Division sha ka Semi-Final .
Ki kynhun kiba poi ha ka Top Four Round jong ka First Division ki long ka Mawmang SC (23 Pts),Pdengshnong SC (19 Pts), Mission SC (16 Pts) bad ka Nongdawah SC (15 Pts).
Na ka liang jong ka Mawryngkneng Cultural & Sports Club ka pyntip paidbah ba ka jingialehkai top four kan sdang mynta ka sngi da kaba sdang da ka Elimnation Round kata ka long hapdeng ka Mission SC pyrshah ia ka Nongdawah SC ha ka por 2 baje janmiet.
La khmih lynti ba ka jingialehkai hapdeng kine ki ar kynhun kin long shisha itynnad namar baroh artylli ki team kiba khlain kiba bad kidon ki player nabar kiba pawnam hapoh ka jylla bad ki player ba pawkhmat na Mission SC ki long u Rustom Khyriem, Kynsai Lhuid, bad Brolington Warlarpih bad ki rangialehkai kiba ba pawkhmat ka Nongdawah SC ki longh u Dibin,Stephan Pale,Atlanson bad Fullmoon Mukhim.
Kumba phaidien hapdeng kine ki arkynhun ki la iakynduh ha ka league stage ka Mission SC ka la da ka jop salit da 2-1 kol .
Ha ka 2nd Division ki kynhun kiba poi sha ka Semi-Final ki long ka Thangshalai SC Mawiong SC, Mawyndep SC bad ka Thad Nongtyrkhang SC.
Ka jingialehkai Semi-Final banyngkong kan long mynta ka sngi hapdeng ka Thangshalai SC pyrshah ia ka Mawiong SC ha ka por 12 baje mynsngi .