Mynta ka la kham rem dor sa ka diesel, ia ka petrol ha Delhi

Mynta ka diesel, ka la kham remdor ban ia ka petrol ha Delhi, lyngba ka jing kiewdor kaba 48 pisa mynta ka sngi. Kam shym don satia ka jingkiewdor jong ka petrol, mynta ka sngi.

Ka dor jong ka Diesel ha Delhi, kan long T.79.88, katba ka dor jong ka petrol, kan long T. 79.76.

Ka dor jong ka petrol bad ka diesel, ka la kiew dor jur ha kine ki sngi ha India, ha kaba ka la kiew hapdeng ka T.8 haduh T.10 shi litar ha kine ki bun sngi ba ladep bad katei ka jingkiewdor ka la sdang naduh ka 7tarik Jylliew 2020, hadien ba ka iew diesel, petrol, ka la hiar shibun ha ki 82 sngi jong ka jing khang shnong ha India.