Mynta ka jingialang pyrshah SDO ha Sohra rPhet jyndat U SDO na ka jingialang bad ki nongsynshar

Shillong, 28 Iaiong:
Shisngi shuwa ka jingialang paidbah ka ban long ha madan Saitsohpen, Sohra, kaba dei ka jingialang ki sengbhalang, seng samla, khliehnongsynshar, nongmihkhmat, bad ki paidbah ka thain Shella bad Sohra ban pyrshah ia ka jingkhot pynrung kyrteng thep vote u SDO ia ki bar jylla, ki tyllong khubor ki la iathuh ba u SDO (Civil) ka Sohra u Ganshyam Das u la khot jingialang ia ki Khlieh Nongsynshar ka Sohra bad Shella mynta ka sngi ha Sohra Civil Sub-Division.
La iathuh ruh ba katei ka jingialang kam shym la poi shano shano ruh, bad u SDO u la mih jyndat na kamra long jingialang bad ki Khlieh Nongsynshar. Kat kum ka jingiathuh ki tyllong khubor la ong ba ha katei ka jingialang u SDO u la kren pynsngewthuh ia ki khlieh nongsynshar ba un ym pynrung kyrteng thep vote ia ki bar jylla hapoh Sub-Division, hynrei yn leit sha manla ki shnong ban pynshisha shuwa ba briew un ioh kyrteng thep vote. La ong ruh ba ha katei ka jingialang ka la don ka jingiapyni na ki khlieh nongsynshar ha kaba ka jingiakren kam shym la pynhun ia u SDO bad tang hadien kumba katto katne por u la mih noh na kamra ba long jingialang.
Lah ban kdew, ba lashai ka sngi ka 29 tarik, ki paidbah ka thain Shella bad Sohra lyngba ka joint Action Committee kin pynlong ia ka jingialang paidbah ban pyrshah ia ka ka jingkhot pynrung kyrteng u SDO ( Civil) ia ki bar jylla hapoh Sub-division.