Mynta ka jingialang paidbah ka NCPC ha Smit

Shillong, 21 Rymphang:
Ka jingialang bah jong ka Nongkrem Constituency Peoples Committee (NCPC), ka ban long lashai ka sngi ha Madan Smit, kan nym pat pynbna satia ia ka kyrteng jong U Bah HS Shylla, kum u kandidet jong katei ka Committee, na bynta ka elekshon shiteng samoi MDC ha Nongkrem Constituency.
U bah Teiskhem Kharmuti, uba dei U Secretery ka NCPC, haba iakren bad U Rupang, ha ki khyndiat sngi ba ladep, u iathuh ba ka jingialang kan long hi kaba heh, namar ba ki la pyntip sha man la ki shnong, kiba hap hapoh ka Nongkrem Constituency baroh kawei.
Ha kajuh ka por, U Bah Teiskhem, u ong “Ym pat iakren elekshon. Ym pat pynbna kandidet” hynrei, u ong ba ia mynta kin pynshai shwa ia ki jingeh, kiba ka jaitbynriew ka ia kynduh. U la ong shuh shuh “Mynta ngi donkam ia ka jaitbynriew bad ngim pat donkam satia ia ka roi ka par. Lada ka jaitbynriew, ka iap noh. Ngin leh aiu ia ka skhim” ong shuh  U Secretery ka NCPC.
U Bah Kharmuti, u iathuh, ba ha katei ka jingialang paitbah, kim shym la khot satia ia kino kino ki nongkren ba kyrpang, hynrei ki ban shim bynta ban kren ha katei ka jingialang, ki long U Bah Hillarius Warbah,u actor, uba dei ruh u nongkren ba kongsan jong ka seng bad nangta sa U bah HS Shylla, uba dei U MLA/MDC barim jong ka Nongkrem.