Mynta ka jingialang NOC u CEM

Shillong, 31 Naitung:
Ka jingialang ba la khot da u CEM ka KHA DC u Bah Pynshngain N Syiem ia ki kynhun ba pyrshah tih uranium bad kiba kyrshan, kan long lashai ka sngi ban iakren ia ka jingthmu ai No Objection Certificate (NOC) ka KHADC ban shna ia ka surok Two Lane na Nongstoin haduh Wahkaji.
Kane ka jingkhot iakren jong u CEM ka la long hadien ba ki sengbhalang bapher bapher ki la khie bitar jur ia kane ka rai jong u ban ai NOC ban shna surok sha katei ka jaka, kaba kynnoh, ba ka dei ka jingthmu ban ailad ban tih uranium.
Ha kane ka sngi Palei ruh, ki dkhot sengbhalang ki la tur puk sha ka ophis ka KHADC ban dawa na u CEM ba dei ban weng noh mardor ia ka rai ban shah tih surok sha katei ka jaka ba don u uranium.
Bun ki sengbhalang kiba pyrshah ia ka jingthmu tih uranium, kin leit ban iashim bynta ha kane ka jingialang hynrei ka HYC WKH kala rai ban nym leit iashim bynta ha kane ka jingialang.