Mynta ka jingialang ki nonghikai SSA

Shillong, 5 Nailar:
Ka jingialang paid-bah jong ki nonghikai SSA kaba la pynbeit da ka
AMSSASTA kaba thmu ban pynlong ha Khasi National Dorbar Hall, Mawkhar Shillong, ha ka 6 tarik mynta u bnai, kan iaid beit shakhmat kumba la thmu, ha Khasi National Dorbar Hall, Mawkhar, Shillong ha ka por 11 baje mynstep ha ka Hall heh ka mala kaba shajrong. Ka AMSSASTA ka iawer ia baroh ki nonghikai SSA jong ka Jylla ba ki dei ban wan ban sngap ban iashim bynta ruh sha kane ka jingialang, ka mat kaba hakhmat eh ka dei ka tulop jong ki nonghikai ba saw. Ki para nonghikai SSA ki dei ban sngewsynei ia ki 4th teacher naba ki dei kiba ioh jingsiew duna eh napdeng kiwei pat ki nonghikai SSA, ong ka ka kyrwoh na u President ka AMSSASTA Central Body babu L. Marngar.