Mynta ka jingialang ki CEM Thain shatei Lam Mihngi rYn leit u CEM bad ki EM ka KHADC

Shillong, 7 Naitung:
Lashai ka sngi ka 8 tarik u jylliew kan don ka jingialang jong ki Chief Executive Member ka thain shatei Lam Mihngi ha ka por 11 baje mynstep ha Pinewod Hotel. Nalor u CEM ka KHADC bad ki EM kiba hap hapoh ka jingpeit jong u kiwei pat ki CEM ka thain shatei Lam mihngi kiba la thikna ban poi sha katei ka jingialang kat kum ka jingiathuh u bah Pyn shngain N Syiem CEM KHADC ki long u CEM ka JHADC, GHADC, CEM ka Karbi Anglong ADC, CEM ka Chakma ADC, Dimasoa ADC, ka don ruh ka jingkhmih lynti ba kan wan mih khmat na ka Bodo ADC.
Ha katei ka jingialang u bah Pynshngain u la ong ba ki mat ki ban ia kren ki long halor ka jingtyrwa ban pynkylla ia ka 6th Schedule bad ka jingbym ioh bhah pisa na ka 14th Finance Commission bad kiwei pat ki ishu kiba ki ADCs ka thain shatei Lam Mihngi ki ia kynduh jingeh.
Katkum ka jingkren u CEM la sngewthuh ba ka mat ka ban jrong ka jingiatai ka dei halor ka jingkwah ka sorkar ban pynlong ia ka elekshon jied Rangbah Shnong da ka State Election Commission kaba u la ong ba katei kan ktah ia ka riti ka dustur bad ka District Council ka kwah ba ia ka elekshon Rangbah Shnong dei ban pynbeit hi da ka Raid ne ka hima lyngba ka jingbthah ka District Council. Shuwa ban kren sha ki nongthohkhubor, mynta ka sngi ka la don ruh ka jingialang jong baroh ki seng sain pyrthei ha District Council ha kaba u CEM u la ong ba baroh ki MDC ki la ai jingmut ba kim kwah ban pynrung da ka ktien Village Council kumba la pynkhreh ka sorkar hynrei ki kwah ban pynneh ia ka kyntien Village Dorbar. Hadien ba baroh ki MDC ki la ai ia la ki jong ki jong ki jingai jingmut jong ki u bah Pynshngain u la ong ba yn phah ia baroh ki jingai jingmut jong ki sha ka sorkar jylla ba kan pynbeit thymmai ia ki jingtyrwa ba ka la pynkhreh ban pynkylla ia ka 6th Schedule kiba ktah ia ka riti ka dustur.