Mynta ka jingialang CLP, lah ban nym wan lut ki MLA

Shillong, 26 Nailur:
Ka jingialang jong ka Congress Legislature Party (CLP) kan long lashai ka sngi ha iing jong u Dr. Mukul Sangma, Myntri Rangbah ka Jylla. La iathuh ba ha kane ka jingialang yn iatai bniah halor ka jingdawa jong ki sengbhalang ban pyntreikam ia ka Inner Line Permit (ILP) lem bad kiwei pat ki ishu jong ka party.
La sngewthuh ba ha kane ka jingialang ka Congress kan iatai sani ruh halor ka jingthmu jong ka party ban long ryntih ha ka rukom leit sha ka Dorbar synrai ka ban sdang ha ka 4 tarik jong u bnai ban wan.
Na ki khubor ba la ioh lum la iathuh ba, ha kane ka jingialang kin don ki ki katto katne ngut ki MLA jong ka party Congress ki ban nym leit sha kane ka jingialang. Haduh mynta ym pat lah ban pynthikna mano ban nym leit bad mano ban nym leit, hynrei la sngewthuh ba ki don ki MLA kiba la pynmih ia la ki jong ki prokram lashai ka sngi.