Mynta, ka Final jong ka Maitshaphrang Knock out Basketball Tournament Mawlai open 2020

Shillong:Ka KSU Mawlai Circle kan pynhap pyrda noh ia ka Maitshaphrang Knock Out Basketball Tournament Mawlai Open 2020, mynta ka sngi. Ha katei ka sngi ka jing iakhun Final na ka liang ki kynthei kan long hapdeng ka Shillong Labet pyrshah iaka Phudmuri haka por 11 Baje mynstep bad haka liang ki shynrang ka Black Mamba kan iakhun pyrshah ia ka Nongpdeng ‘B’ .

U Samla Shemphang L.Mawphlang Vice – President KSU Central Executive Council un long kum u Symbud Kongsan ha katei ka sngi bad u Bah Daniel Khyriem President barim ka KSU Sengkmie un long kum u Kongsan.

Ha ka jingiakhun Semi final haka liang ki shynrang kaba la long haka 14 tarik Rymphang 2020 ka Black Mamba kala jop da 63 la 59 basket pyrshah iaka Phudmuri ‘A’ katba ka Nongpdeng ‘B’ kala jop da 64 la 29 basket pyrshah iaka Phudmuri ‘B’.
Kane ka long katkum ka kyrwoh na u Samla Badonbok Malñgiang Sports Secretary KSU Mawlai Circle.