Mynta ka elekshon CEM, Bah Ardent bad U Bah Pynshngain “Lada ym lah tynjuh bor, lah ban weng kyrteng noh” Mynta ka elekshon CEM, Bah Ardent bad U Bah Pynshngain “Lada ym lah tynjuh bor, lah ban weng kyrteng noh”

Shillong,7 Lber:
Lashai ka 8 tarik u lber ka dei ka sngi thep vote na ka bynta ka elekshon ban jied ia u CEM ba thymmai ka KHADC. Ka All Regional Party Alliance, ARPA ka la pynieng da u bah Ardent Basaiawmoit kum u kyrtong u ban ia khun CEM ha kaba u la dep ban thep kyrteng mynhynnin ka sngi katba ka KHUDA-II pat kaba la ialam da ka seng Congress ka la pynieng da u CEM barim ka KHADC u bah Pyn shngain N Syiem bad u la dep thep kyrteng mynta ka sngi. Haba ia kren bad u bah Pynshngain u Rupang u la kylli hato la ka KHUDA-II ka lah ne-em ban thaw pyrthei ban jop ha katei ka elekshon CEM namarba la iohi ba ha ka elekshon Chairman ruh u kyrtong jong ka u bah Mansturdy Nongrem u la rem noh ha ka kong Teilinia Thangkhiew, u bah Pynshngain u la ong ba hap ban ia peit lashai ka sngi bad lada ka KHUDA ka sngew ba kam lah kot ban ia tynjuh bor bad ka ARPRA ka lah ruh ban weng noh ia ka kyrteng bad ban ym ia khun ha ka elekshon. “Ngin sa ia peit lashai lada ngim sngew lah ngi lah ban weng noh” ong u bah Pynshngain.
Ka la don ka jingsuba jur halor ka jingshah kyntait ki ar tylli ki vote jong ka ARPA ha ka elekshon Chairman ba la dep, don kiba la suba ba ka lah ban dei ka jingleh khnang bad don ruh kiba la kubur ba ka lah ban dei ka jingbakla jong ki MDC kiba don ha ka liang ka ARPRA. Haba la kylli na u bah Pynshngain hato katei ka jingsep ei ki ar tylli ki vote ki lah ban dei ki jingpyrshang ka Congress ban pynduna vote ia ka ARPA ne ka dei hi ka ingbakla jong ki, u bah Pynshngain u la kubur ba ka dei ka jingbakla jong ki, kham mynshuwa ka kong Teilinia Thangkhiew kaba la shimti ia ka shuki Cahirperson ka la kubur ba ka jingduh ei ki ar tylli ki vote ka dei ka jingbakla jong ki MDC namarba bun na ki ki dei ki MDC ba dang shu shah jied thymmai.