Mynta jingialang Tenancy, U Bah Prestone bad ki samla kolej

Shillong, 19 Naiwieng:
Ka jingialang ba nyngkong jong ka ministerial committee ban iatai ia ka Meghalaya Regulation of Landlords and Verification of Tenants Bill kan long lashai ka sngi Balang ha ka por 11 baje mynstep ha Central Library.
U myntri sorkar u Bah Prestone Tynsong uba dei U Chairman ka ministerial committee halor Meghalaya Regulation of Landlords and Verification of Tenants Bill u la ong ba ka Committee kan pyni sha ki khynnah skul halor kane ka Bill kaba thmu ban tehlakam ia ki briew ba wan sah iingwai ha kane ka jylla.
“Ngin pyni bad ngi batai ia ki bad ngi kwah ban ioh ia ka jingmut na ki halor kane ka Bill,” la ong u Bah Tynsong.
Ka Committee kan pynlong ruh ia kajuh ka jingialang ha kiwei ki jaka jong ka jylla ban pan jingmut na ki paidbah halor kane ka Bill.
Lashai ka jingialang kan long beit tang ia ki khynnah kolej.
Katkum ka jingong u Bah Tynsong, kan don bun ki jingialang halor ki mat ba ka sorkar ka pynkhreh bad khot ia baroh ki riew shemphang, ki nongialam sengbhalang, ki riew pawkhmat ban wan ai jngmut halor kane ka mat.