Mynta jingialang paidbah ka KHNAM

Shillong, 24 Jymmang:
Lashai ka sngi ka 25 tarik u jymang ka dei ka sngi ba ka KHNAM ka la khot ia ka jingialang paid bah ha Madan Student ban kyntu ia ki paidbah ban leit snohkti lang sha ka jaka shah thngan u bah Adelbert Nongrum ban pynbor ia ka sorka ba ka dei ban mynjur noh ia ka Village Administration Bill.
Ha ka jingshisha ka KHNAM ka la thmu ban iaid da ka proseshon na Madan Student shaduh sha jaka sha thngan u bah Adelbert, hynrei la pynpep noh ia katei ka jingiaid proseshon namarba ki khlem ioh jingbit ban iaid na ki lynti ba ki la pan jingbit hynrei u DC u la shah ia ki tang na Madan Student lyngba ka Motphran sha Stand Jeep, kaba katei ka seng kam sngew ler shuh ban iaid ha katei ka jaka.
Lah ban kdew ba ha ka sngi thohdieng ha ka jingiakren bad u President ka KHNAM u bah Pyndap Saibon u la ong ba ha ka tei ka jingialang yn kyntu ia ki paidbah ban ia snohkti lang ha ka jingiakhih kaba dang iaid mynta, bad hadien ka jingialang yn pyllait ia ki paidbah ba kin leit sha katei ka jaka ha la ka jong ka lynti ym shuh da ka jingiaid proseshon.