Mynta iakhun ka Rangdajied, Lajong

Shillong,21Naiwieng:
Lashai ka sngi kan long ka sien ba nyngkong eh ha ka khana jong ka I-League ba ka Shillong kan ia khun para shillong, kata ka jingiakhun hapdeng ka rangdajied bad ka Shillong Lajaong. Wat ha ka I-League hi kam pata ju jia koit kum kane ka jingiakhun kaba ar tylli ki kynhun na kajuh ka jylla kin ia aireng para maki lait noh ka Mohunbagan bad ka East Bengal kiba dei ki klop na West Bengal.
La khmih lynti ba ka jingiakhun hapdeng kitei ki ar kynhun kan long aba shongshit bha, ha kaba la khmih lynti ba ka madan Polo kan dap mam lashai ka sngi da ki paidbah ieit phutbol. Katei ka jingialehkai kan long ha ka por 5:30 baje janmiet ha Madan Polo, bad yn pyni paidbah ha ka Live Telecast ha ka Ten Action.
Lah ban kdew ba kitei ki kynhun , ki la ia aireng teng ruh ha ka SPL bad kiwei pat ki jingiakhun League hapoh nongbah, kumjuh ruh ha ka por ba ka Rangdajied ka dang dei ka Ar Hima. Hynrei ka jingiakhun kaba la shai ka sngi kan long kaba kham pher namar ka dei ka jingiakhun heh.