Shillong: Mynta ka sngi, ka kynhun jong ka House Commitee, ba la thung da ka Executive Commitee jong u bah Titosstarwell Chyne hapoh jong ka KHADC kan leit ban jurip sha Domiasiat, halor ka jingkynnoh ba ka don ka jinglait ka erbih na ki top ba thep ia u Uranium.
Ha kane ka House Committee la kynthup ia ki hynriew ngut ki MDC hapoh ka jingialam jong u Deputy CEM u bah Gigur Myrthong, ha kaba u nongialam ka liang pyrshah u bah Lamphrang Blah un iadon lang.
Ka House Committee kaba kynthup lang ia ka liang synshar bad liang pyrshah, kin leit jurip ia katei ka jaka ban lap ia ka jingshisha ia ka jingkynnoh ba ka don ka jinglait ka erbih ha ka ba kane ka House Committee ka ban leit la shai ka sngi kin hap ban ai ia ka kaiphot sha ka Executive Committee jong ka KHADC.
Kum ban shu pynkynmaw ha ka dorbar synrai jong ka KHADC ka la don ka jingwanrah ia kane ka mat hapoh ka iing dorbar bad na ka liang ka iing dorbar ka la shim ia ka rai ban thaw ia ka House Committee ha kaba ki MDC na baroh ar liang kin ialeit ban jurip ia katei ka jaka ha ka tei ka thain.
Phi don ban ong eiei?