Mynta haba pang masi ha UP, yn leit shaw da da ki Ambulance

Mathura: Ka sorkar Uttar Pradesh, ka la sdang ban buh ia ki kali kit masi pang bad ia katei la pynbna da U Laxmi Narayan Chaudhary, myntri ka sorkar Jylla, hynnin ka sngi. Ki don 515 tylli ki Ambulance, kiba la buh khnang ban kit ia kitei ki masi pang bad katei ka dei ka skhim, kaba ym pat ju pyndonkam satia ha India.

U number ban phone, u dei u 112 bad katei ka Ambulance, ka don ia uwei u doktor ha kawei ka kali bad sa arngut ki nong iarap jongu bad kan poi hapoh 15 lane 20 minit, mar ia don ka jing ujor, halor ka jingpang masi.

Katei ka skhim, kan sdang naduh U Nohprah bad ka call centre, kan trei kam ha Lucknow bad kan sdang ha ki 8 tylli ki district jong ka jylla, kum ka jing pyrshang, kaba kynthup ia ka Mathura.

Kane ka dei ka sien kaba nyngkong, ba ka sorkar U Yogi Adityanath, ka bei pisa, na ka bynta ban ai jing iarap, ia ki masi kiba don jingpang bad kiba khlem don jaka shong jaka sah.