Pynursla, 10 Naiwieng:
Ka jingjied Sordar thymmai, ha ka Raid Shabong, kaba hap ha ka Hima Khyrim, kan long lashai ka sngi. Ki don 3ngut ki kandidet bad kitei ki kynthup ia U bah Kaleptor Khongdup, na Pynursla, uba ka shap jongu, ka dei ha u khlur, nangta sa U bah Biggeston Lyngdoh, na Pynter, uba ka shap jongu, ka long ha u mawbynna bad U bah JF Jeffrey Khonglam, uba na Pynter hi bad ka shong jongu, ka dei ka iing.
U bah Hilarius Peter Pyngrope, uba dei U Chairman ka Election Committee ki Saw Raid, u iathuh ba ki don 4,024 ngut ki nongthep vote, kiba dei ki shynrang suda. Ki jaka thep vote, ki long ha Laitmynrieng, Pynursla, Urksew Wahpathaw, Mawpran, Pynter, Siatbakon. Ka jingthep vote, ka sdang naduh ka por 8baje mynstep bad kan kut ha ka por 4baje janmiet bad ka jingniew vote, kan long lashai hi ka janmiet, mar ia dep niew vote.