Shillong:U Chairman ka Harijan Panchayat Committee (HPC) u Gurjeet Singh, u la ong ba ka jingiakren ban pynkynriah bad ban ai jaka sah ia ki briew ba sah ha Themiew Mawlong, ka dei ka mat kaba ju ia kren na kawei ka sorkar sha kawei pat, hynrei kam pat don kano kano ka Sorkar ruh ka ban shim khia ban ai jaka sah ka ba biang na ka bynta jong ki.
Haba kren bad ki lad pathai khubor na ka liang u Singh u la ong “Ha kaba ia dei bad ka jingai jaka ia ngi, katno sien ka sorkar ka la dep ban pynbna ba kan pynkynriah noh ia ngi shane shatai, hynrei haduh mynta ym pat don ka jingiakren ka ban long official halor kane ka bynta lada ki la pynlong ia ka jingiakren ngin sa lah ban shim rai”.
U la bynrap” Ha ka jingialang ba khadduh ba la long hapdeng ka sorkar bad ki nongialam ka HPC ruh, ngi la buh ka jingdawa ban ai ia ka jaka 200 sqft kawei ka longing bad ka pisa ban shna ing, hynrei haduh mynta kam pat don kano kano ka jubab halor kane ka bynta bad wat tang ka blueprint ruh ngim pat ioh”.
Haba kylli u la ong “Ngim kyntait ban sah ha ki quarter ba la shna na ka bynta ki nongtrei ka Municipal, hynrei haba ki la shna ia kine ki quater ki khlem ai ia ngi, ba ngin sah, hynrei ki la ai sha kiwei pat ki nongtrei sorkar” .
“Ngi kwah ba ka sorkar kan ai jaka ia ngi bad ngi kloi ban mih noh na kane ka jaka, hynrei ka dei ka Sorkar hi kaba khlem ai ka jaka ia ngi bad kumba ia ki quarter Municipal ruh ki shna na bynta ban sah ki nongtrei municipal, hynrei ki khlem ai” u la bynrap.
U Singh u la ong ruh “Namar mynta la jan ka election ngin sa peit kin lah ne em ban pynurlong ia ka jingpynkynriah sha kawei ka jaka, namar lada wan da kawei ka sorkar ka mut kane ka mat, ruh kan sa shu sah tang ka mat jingiakren”.
“Baroh ki sorkar ki la wan bad la leit, hynrei ki shu shim ia kane ka mat tang ka mat ban ia kren, hynrei ha ka por ba kin ai jaka ia ngi shawei ki kynran dien, te ngin peit ba ka sorkar MDA ruh kan shim khia ne em “u la bynrap.
Wow wow ko sorkar MDA iaki nongwei ki nong poi ei harijan phi kloi ban ai jaka ba 200sqft bad ki ing phin shna bad ka pisa phin ai iaki nong harijan pyrkhat ban iarap iaki paradoh parasnam ki jongphi shwa pynbiang shwa hapoh ing jongpha mda hadien sa pynbiang iala ka jait ka kynja jongphi wat pyrkhat iaki poi ei ai kin IAP shato
Lada ka sorkar mda ka kloi ban pynshna ia ki khasi Jong ngi ki ban mad ia ka Jing duk Jing kyrduh, khamtam ia kito ki ba shah lynshop haki bor Marbiang, bad kiba shah bam duh ha kading,katno Kan long ka Jing kmen ia ngi ki jaitbynriew khasi pnar, hynrei Lada kumne kin burom Tang iaki Wei ki jaitbynriew kaba mut ngi ki khasi ngi shah kyntait Hala ka Jong ka Ri.