Mynshwa lah nga ia u Steve ban shad mynta pat lah u steve, naduh mynshwa nga la hikai shad ia u:Zarina

Shillong 14 Nailur: Ka samla Zarina Jyrwa ka ba dei ka nonghikai shad jong u Steve jyrwa ka la iathuh, ba baduh kapor ba u Steve u dangrit ka rta ka la hikai shad ia u. Ka samla Zarina ka dei ka ba shong ba sah ha Nongmynsong,Ka ba hikai shad ha ka Eastern Dance Icon ka ba don ha Nongmynsong bad ha pynthor.

Ha ba iakren bad ka samla Zarina ka la ong, ba u Steve u pher na ki ba ia wan shah hikai lang namar u don shisha ia sap ba kyrpang naduh ba u dangrit.

Ka samla Zarina ka la ong, ba mynshwa nga danglah hi manga ban shad ia u Steve hynrei mynta pat la lah u Steve ban shad, nalor kata ka la pynpaw ka jingsngewsarong namar napdeng ki ba ka hikai u Steve u la poi shaduh ka Top-6 ha ka Indian Best Dancer Seoson-4.

Ha kaba iadei bad ka jinghikai shad ia u Steve ka la iathuh, ba ha kapor ba hikai ki la ialam kylleng kylleng ban leit iashimhynta ban shad la ka long ha ka Northeast Got Talent lane ha ki jingiakop shad ha kaj jylla bad shabar ruh bad hadien kata ki sa iohi ba u Steve u don shisha ia sap ban shad.

Kumta ka la kyrpad ia ki paidbah ba kin sngewbha ban vote ia u Steve da kaba download ia u App Sonny Liv khnang ba un poi sha ka thong.