Mynsaw uwei, ha ka jingjia aksiden ka kali rit bad auto ha Nongpoh

Nongpoh: Ha ka jingjia aksiden kaba la jia mynta ka sngi ha Nongpoh hajan ka Bethany Hospital, u wei u briew u la mynsaw katba u wei pat u la lait thaw na ka jingmynsaw, kata ka dei hadien ka jingiatyngkhuh hapdeng kawei ka kali Volkswagen bad ka Auto Rickshaw.

Katei ka jingjia, ka la jia ha ka por 12 shiteng eiei, ha kaba katei ka Volkswagen kaba don ia u number AS-FF-5590 kaba la niah da u Kautav K Kalita na Assam, hynrei haba ka la poi ha katei ka jaka, namat ka jingpynher stet palat, ka la leit ban tynrah markhmat pat ia kawei ka autorickshaw kaba don ia u number ML 10 A 8361 kaba la niah da u Bah Starling Dohling.

Haba iadei bad katei ka jingiia, uwei uba shong lang ha katei ka auto, u la lait na ka jingmynsaw.
Tang mar ia tip halor katei ka jingjia, ki pulit ka Nongpoh Traffic Branch ki la leit marmar sha katei ka jaka ban pynlong ia ka jingtohkit bad la pynkit noh ia u ba mynsaw sha Bethany Outreach Hospital na ka bynta ban ioh ia ka jingsumar.