Shillong: Uwei u khynnah skul jong ka St John Bosco Boys’ Higher Secondary School, Sohra uba dang 18 snem ka rta u la mynsaw jur, na ki bynta ka kjat jong u, hadien ba u nonghikai jong u, u la tied la shoh ia u da ka shuki kaba la jia ha ka 10 tarik u Lber 2022. Hadien ba jia kane ka jingjia na ka liang kiba ha iing jong u ki la pynkit noh ia u sha Civil Hospital Shillong ba un ioh ia ka jingsumar.
Haba kren bad ki nongpathai khubor na ka liang ka kmie jong utei u khynnah ka la iathuh ba na ka liang utei u nonghikai u la wan panmap bad ruh na ka liang jong ki ki la pdiang ia kata tangba ki kren shai ba ka jingmap kam dei satia ban shuh sngap khlem da aiti sha ki bor jong ka ain ban leh ia kaba donkam kat kum ki kyndon ain ban pynshitom ia utei u nonghikai.
Shuh shuh kiba ha iing jong u ki la iathuh ba hadien ba ki la dep ban wan ai jingsumar na Civil Hospital ki la rah biang noh ia urei u khynnah skul sha shnong hynrei hadien ba ki la poi sha shnong ki la pynkit biang noh ia u sha Bethany Hospital hadien ba ka jingshitom kaba jur ka la ban ia u.
Na ka liang u kni jong utei u nonghikai u la kyntu ba kum ki nonghikai ki donhok ban ai jingpynbeit bad jingpynshitom(punishment) lada ki khynnah skul ki leh bakla tangba ka dei ban long ka jingsneng bad pynshitom kaba lah ban pdiang ym kaba buh jingma ia ka jingim jong ki khynna skul. Kum kane ka apot kam dei ban jia ha kiwei pat ki skul ia kiwei pat, bynrap shuh shuh u kni jong utei u khynnah.
Phi don ban ong eiei?