Mynsaw u heh BJP, hap ka rynsan

Guwahati, 7 Naitung:
U myntri sorkar pdeng uba peit ia ka tnad Sports and Youth Affairs u Sarbananda Sonowal bad kiwei pat ki nong ialam ka BJP ki la mynsaw hadien ba ka rynsan kaba ki shong ka la khyllem, katei ka dei ha ka jingia lang paidbah kaba la long mynta ka sngi ha Chawal khowa ha Dibrugarh District, Assam.
Katei ka jingjia ka dei ha ka jingialang jong ka Bharatiya Janata Yuva Morcha (BJYM) ban rakhe ia ka lyngkhuh sngi kha jong u Syama Prasad Mookherjee u nongseng ia ka Bharatiya Jana Sangh . U President ka BJYM ha baroh kawei ka ri India u Anurag Thakur uba la don lang ha katei ka jingialang u la mynsaw. Katei ka jingkhyllem ka rynsan ka dei tang mar ia dep kren u nongialam ka BJP ba peit ia ka jylla Assam Mahendra Singh ha ka por 2:30 baje noh sngi uba dang kren ai khublei ban pynwai noh ia ka jingialang.
Hynrei ha katei ka por kumba 140 ne 150 ngut ki nongtrei ka seng BJP kiba shong jingialang ki la mareh shakhmat bad don kiba la leit tur sha rynsan ban ai khublei ia u Sonowal, bad dei ha katei ka por ba ka rynsan ka la khyllem jrain. Hadien katei ka jingjia la sop la spain ia u Sonowal bad u doctor ba sumar ia u u la pyntip ba um lei lei shuh.