Mynsaw shikmie shi khun ba shah pom pyrthat

Shillong,14 Nailur:
Ar ngut shikmie shi khun ki la mynsaw hadien ba ki la shah pom pyrthat, katei ka jingjia ka la jia ha ka 13 tarik mynta u bnai ha ka por 9:10 baje mynmiet ha ka shnong Kantolguri kaba hap hapoh Resubelpara Block, North Garo Hills. Ki ar ngut shi kmie shi khun ki dei kiba la tip kyrteng kum ka Afilin Momin (kmie) kaba la don 44 snem karta bad ka khun pat ka Panme Momin, 23 snem karta. Ia kitei baroh 2 ngut la pynkit da ka 108 Emergency Service Ambulance kaba don ha Resubelpara sha Resubelpara CHC.