Mynsaw saw ngut ki pulit ha Smit

Shillong,18 Nailar:
Saw ngut ki pulit ki la mynsaw jur bad khadar tylli ki kali kynthup ia ki kali pulit ki la julor ha ka jingjia kaba la jia ha ka miet 16 tarik ha Smit, ong ka khubor ki pulit. Ki pulit ki la iathuh ba haba ki la ioh jingtip ia ka jngjia ha Smit mar-mar u Majistor bad ki heh pulit na Shillong, ki la hiar sha katei ka jaka ban tem ia ka jingkulmar ba la mih ha katei ka shnong, hynrei ki la ong ba mar ia poi ha Smit ki paidbah, kiba la don kumba 2 hajar ngut tam ki la ther maw kylla pynban sha ki pulit ha kaba saw ngut ki pulit ki la mynsaw jur. Hadien ba ki pulit ki la lah ban pynthanda ia katei ka jingjia ki la ioh ruh ban wanrah ia ka metiap jong ki lai ngut sha civil hospital ban leh ia ka Post Mortem.
Ki saw ngut ki pulit kiba la mynsaw ki kynthup ia u SP(Crime) Bah Vivek Syiem, u Bah Rani OCka Madanrting bad ar ngut ki pulit langrut u J Ch Sangma bad Puron G Momin- ka kali pulit kaba la julor ka dei kaba don ia u nombar ML 02-0101