Shillong, 20 Risaw:
Ka Monila Sangma 52 snem ka la mynsaw ha ka jingshah bom ha ki shipai BSF katba ka dang ieng lain ban ioh rung hapoh ka iew border hat kaba don ha Lalpani, East Khasi Hills District Meghalaya.
Ha kane ka jingujor ejahar jong ka Molila sha ki pulit jongka Dangngar Police outpost, ka la ong ba kane ka jingleh tohmet jong ki shipai pisa BSF ha ka 22 tarik jong u bnai bala dep ka dei ha ka por ba ki dang iai ieng lain ban ioh rung hapoh katei ka iew kaba la buh da ka sorkar.
Halor kane ka jingai jingujor jong kane ka long kmie, na ka liang jong ki pulit haduh mynta kim shym la kem ia u shipai BSF, u ba ki la ai ryngkat ka dur jong u sha ki pulit. Na ka liang jong ki pulit ki la ong sha kiba ha iing jong kane ka long kmie ba namar kam shym la mynsaw jur, yn nym lah ban kem ia u tei u Shipai BSF.Katkum ka jingiathuh ki khun jong ka Monila la ong ba kane ka jingbom pathar jong ki BSF ia ki paidbah ha katei ka iew ka juh jia na ka por sha ka por, hynrei kito kiba la ngat ha kane ka jingshah bom ha ki shipai BSF, kin nym nud satia ban ujor sha ki bor jong ka ain namar ka jingtieng.
Na ka liang jong ki khun kane ka long kmie ki ong ba lada ki pulit kim kem ia u tei u shipai BSF ba la bom ia kane ka long kmie haduh ban da mynsaw na ka liang jong ki kim ban se ban leit sha ki bor ba kham sha lor.(SP News)
Phi don ban ong eiei?