Mynsaw jur u nongniah ba tynrah ka trok nadien ka trok ha Nongpoh

Nongpoh: Ha ka jingjia aksiden kaba la jia hynne ka step ha surokbah NH-6 ha Nongpoh, u nongniah jong kawei ka trok kaba don ia u number NL-01-AH-6744, u la leit ban tynrah beit nadien kawei ka trok kaba kit nar rod kaba don ia u kaba don ia u number AS-01-FC-9261, ka trok kaba dang iaid bad kaba thmu kiew sha Shillong.

Katei ka jingjia aksiden, ka la jia ha ka step 30 tarik ha ka por 1:20 baje eiei ha kaba katei ka trok kaba don ia u number NL-01-AH-6744 ia kaba la niah da u Sending Siangshai, ka leit ban tynrah beit ia katei ka trok kaba don ia u number AS-01-FC-9261, ia kaba la niah da u Md Dulal Uddinkit.

Halor katei ka jingjia baroh ar tylli ki trok kila julor bad u draibar jong katei ka trok ba tynrah na shadien u la mynsaw jur bad pynkit noh sha Nongpoh Civil Hospital bad naka liang ki pulit ki dang pynlong ka jingtohkit halor katei ka jingjia.