Mynsaw jur u nongniah, ba tynrah ka trok nadien ka trok ha 12mer Jorabat

Nongpoh, 12 Naiwieng: U nongniah jong kawei ka trok kit klinker, u la mynsaw jur eh bad kata ka dei hadien ba ka trok kaba u niah, ka la leit ban tynrah nadien jong kawei pat ka trok kit klinker.

Katei ka jingjia ka la jia hynne dangstep phyrngab ha ka por 4:30 baje eiei mynstep, ha kaba katei ka trok kaba la niah da u Hanpaia Laloo, ka dei kaba don ia u number ML-11-A-1436 bad kaba la leit ban tynrah nadien jong kawei pat ka trok kit klinker, kaba don ia u number NL-01-AD-5135, kaba la niah da u Neverson Shadap, kaba la ieng ha surok namar ba ka sniew NH-6 bad kaba hap ha shnong 12mer Jorabat.

Kitei ki trok kaba tynrah bad kaba shah tynrah, ki don ha ka lynti ban hiar sha Guwahati. U nongniah jong katei ka trok ba tynrah nadien, u la mynsaw jur, namar mar ia jia ka jingjia aksiden, u la sahkut kumba 2 kynta eiei hapoh kali bad dei tad haba la poi ki Pulit, kiba leh shitom ban sei ia u da ka jingiarap ki kali tan kali bad ki briew na ka Fire & Emergency Services, kaba la lah ban sei ia utei u nongniah na kali bad hadien kata la rah noh sha GMHC Hospital Guwahati, na bynta ban ïoh ia ka jingsumar.