Mynsaw jur u heh duh ka ISIS

New Delhi, 21 Iaiong:
Ki thymmei khubor ki la iathuh ba u nong ialam ka Islamic State (ISIS) uba la mynsaw jur ha ka jinghiar thma ka Amerika ha u lber mynta u snem, mynta u la nang kham ioh bor bad hen u lah ban bteng noh ia ka kam nongialam jogn u hapoh katei ka kynhun. Katkum ki lad khubor la ong ba u al-Baghdadi u la mynsaw jur ha u lber ha ka jinghiar thma ka Amerika ha al Baaj District jong ka Nineveh, kaba don ha khappud bad ka Syria.
La iathuh ba u Al-Baghdadi, u dei uba dang don dang kumba 40 snem karta, bad u don haduh $10 million , u la shim ia ka kam nongialam jong ka ISIS ha u snem 2010, hadien ba u la pynkylla noh ia ka kynhun kaba don ha ka ka al-Qaida sha ka kynhun jong ka ISIS. Ka ISIS ka la pyllait ruh ia ka sur kren jong ka kaba ong ba kan sa hiar thma ha ki bynta bapher bapher jong ka pyrthei, kum ka kput namar katei ka hiar thma ka Amerika kaba la pynmynsaw ia u nongialam jong ka.