Mynsaw jur 3 ngut na ka jingjia aksiden ha Umsamlem

Nongpoh: Lai ngut ki nongshong ha kawei ka kali Tata Tiagia, kaba dei ka kali kamai bad kaba don ia u number ML-10B-9859, ki la mynsaw jur, hadien ba katei ka kali kaba ki shong ka la leit ban tynrah ia kawei ka trok kaba don ia u number ML-10-1596.

Katei ka jingjia aksiden kaba la jia hynne ka janmiet ha surokbah Nh-6 kaba hap hapoh ka shnong Umsamlem, ha kaba katei ka kali kamai kaba thmu ban hiar sha ki thain Nongpoh, ka la kum leit tynrah beit ia katei ka trok kaba thmu ban kiew sha Shillong, hynrei haba la poi ha katei ka jaka, katei ka kali kamai ka la jam sha shilliang ka surok lyngba u Diveider bad kaba la pynlong syndon ba kan leit tynrah beit ia katei ka trok kaba wan na ka liang pyrshah.

Ia kitei kiba la mynsaw jur na katei ka jingjia aksiden, la pynkit mar mar sha Umsning CHC, hynrei namar ka jingmynsaw kaba jur, la pynkynriah noh ia ki sha kiwei pat ki jaka sumar kiba kham biang.