Mynsaw jur 2 ba tynrah ka Scooty nadien ka trok ha Pahamrioh

Nongpoh: Arngut ki nong shong ha kawei ka Scooty, ki la mynsaw jur hadien ba ka Scoty kaba ki shong, ka la leit ban tynrah ia kawei ka trok kaba ieng hapoh ka surok NH-6 kaba hap hapoh ka shnong Pahamrioh. 

     Katei ka jingjia ka la jia ha ka por 6 baje ei ei hynnin janmiet, ha kaba katei ka Scoty kaba don ia u ML-10B-3261, ka la leit ban rung beit ha khrum jong katei ka trok kaba don ia u AS -18-7857 bad kaba la ieng ha katei ka jaka, namar ba ka sniew. 

     Tang mar ia tip halor katei ka jingjia, ki Pulit ka Nongpoh Police Station, ki la leit mar mar sha katei ka jaka, na ka bynta ban ai jingiarap ia kitei kiba la mynsaw bad kumta hi mar mar la pynkit noh sha ki jaka sumar, na ka bynta ban ioh ia ka jingsumar.