Mynsaw jur 10 ngut, ha ka jing iatyngkhuh kali ha Nongstoin

Nongstoin, 13 Naitung:
Kumba 10 ngut ki briew kila mynsaw jur ha ka jingjia aksident kali kaba la jia hynne ka sngi ha ka por 7 duna ei ei, ha ka dong Pompor Nondien New nongstoin, katei ka jingjia kala jia hadien ba kawei ka kali Nano kaba don ia u registration number ML06 4559, ka la leit tynrah ia kawei ka trok kaba don ia u registration number ML06 4743 kaba dang wan mar pyrshah.
Katei ka Nano kaba la kit ruh shi tmam ki passenger ban leit on sha ka shnong Nongkaniang mar ia poi ha katei ka jaka, kala leit ban tynrah ia katei ka trok bad ha katei ka jinjia u driver ha ryngkat ki passenger ki la mynsaw jur haduh ba ym shym la lah ban kynmaw bynriew haduh ban da wan ai jingiarap ki briew kiba lap ia katei ka jingjia.
Ha katei ka jingjia kumba 9 ngut ki passenger kiba shong ha katei ka nano kynyhup ruh ia ki khynnah, iwei I longkmie I ba dang ar met kila mynsaw jur katba u nongniah ia katei ka nano u la mynsaw jur ha kaba u la dam syndah ruh ha ka kali tad haduh ban sa ia mih paidbah ban ia sei ia u.
Kat haduh ba thoh ia kane ka khubor u tei u nongniah um shym pat la kynmaw bynriew bad ia kitei baroh la pynkit noh sha civil Hospital Nongstoin ban ioh ia ka jingsumar, hadien pat ia kiba mynsaw jur phah noh sha Shillong ban ioh ia ka jingsumar.