Shillong: Mynta ka sngi, ka la don ka jing kulmar, ha ka por ba pynlong ia ka dorbar Shnong ha Shella, namar ba ka la don ka jing ia pyni bor hapdeng ki paidbah bad ki pulit, ong ka khubor.
Ki paidbah kiba ieng shriak ha baranda ka iing dorbar jong ka Shella, katba ki pulit ki don kiba ieng sha pyrshah jong ka iing Dorbar.
La iathuh da ki lad khubor, ba ki pulit mynta ka sngi, ki la leit sha ka iing dorbar jong ka Jasir Shella, ha ryngkat U Bah L Kynjing, MCS uba dei U SDO, Sohra, ha ryngkat ka jingdon lang U Bah AS Mukhim, Magistrate, Bah P Syiem MPS, Bah B Kharjana MPS ha ryngkat bad 70ngut ki pulit.
Ka khubor sorkar, ka iathuh ba katba ki pulit ki dang pahara ha khmat jong katei ka dorbar, ha ka por 10.40 baje mynstep, ki la don ki riew paidbah, kiba don kumba 200ngut bad kitei ki don da ki tiar kiba nep, kum ki tari, u sohmynken dung, ha kaba la ialam da U bah Wantei Kupar Swett bad U bah Tobias Tiewdop, ha kaba ki la sdang ban ialeh pyrshah ia ki pulit kiba pahara ha khmat katei ka iing dorbar bad ha katei ka jing ialeh pyrshah, ki la don 5ngut ki pulit kiba mynsaw bad ba la hap ban leit phah sumar ha ka CHC ha Ichamati bad hadien ba la ai jingsumar malu mala, la pyllait noh ia kitei kiba mynsaw. Ki pulit ki la ioh ar tylli ki ejahar halor katei ka jingjia, ong shuh shuh ka khubor.
Ha kawei pat ka khubor, kaba la pynmih ha ka Police Website, la iathuh ba U Bah Johnstelin Youroy, ula ujor pyrshah ia U Bah Wanter Kupar Swett bad U bah Tobias Tiewdop jong ka shnong Shella, ha kaba ki la iai pynlong jingialang katba ki sngew bit bad ba ki pynkhein ruh ia ka hukum jong ka kashari, kaba la pynmih ha ka 22tarik Iaiong 2019, kaba khang ban pynlong ia kino kino ki jingialang, haduh ba kan da pyntip da kumwei pat.
Phi don ban ong eiei?