Nongstoiñ: Mynta ka sngi, ha ka por kumba 8:30 mynstep, kawei ka Local Taxi (Alto 800) kaba don ia u number ML 06 8019, ka la shah tynrah ha kawei ka trok LP, katba ka dang mih na ki thaiñ Nongstoiñ bad thmu ruh ban kiew sha Shillong; hynrei ynda poi hapoh ka shnong Shyrwang West Khasi Hills, ka la jia katei ka jingjia ba sngewsih kaba la pynmynsaw ia 4ngut ki briew.
Katkum ka tyllong khubor ba la ioh lum la ong ba ia katei ka taxi la niah da u Lostarwell Umiong 25 snem ka arta na ka shnong Mawlait, katba ia katei ka trok LP kaba don ia u number ML 05L 2191, la niah da u Shanbor Lyngdoh 34 snem ka arta napoh ka shnong Lyngkhoi Pdengshnong.