Mynsaw 3, ha ka jingiatakhuh kali kaba shyrkhei ha Nongstoin

Nongstoin, 13 Risaw:
Ha kawei ka jingjia iatakhuh kali kaba la i shyrkhei bha kaba la jia mynta ka janmiet ha kapor kumba 7:30 ei ei, kawei ka Jeep kaba don ia u No ML05A 0693 kala iatakhuh bad kawei ka Sumo kaba don ia u number ML06 6420 ha dong Nondein Nongstoin ka surok bah na Nongstoin sha Riangdo.
Katei ka jingjia ka la long kaba la i shyrkhei haduh katta katta ha kaba katei ka Jeep kala pra lut phom na ki bynta ba shakhmat haduh ba ka taiar khmat ka la hap noh shiliang sha surok, katba kaba kham i shyrkhei shuh shuh ka long ba katei ka sumo kala leit suh beit beit ialaka khmut sha iing sah jong ki briew.
Katkum ka jingioh jingtip u nongthoh khubor na ki paidbah ba iaboi ha katei ka jaka la ong ba ha katei ka iing ba leit ban tur katei ka sumo don bok ba ym shymla don briew ha iing ha katei kapor.
Haduh bala thoh ia kane ka khubor ym shym pat la lah satia ia ka daw jong katei ka jingjia bad la ioh jingtip ruh ba ha katei ka jingjia ki lai ngut ki briew kila mynsaw ha kaba la pynkit ruh ia ki sha Civil Hospital Nongstoin khnang ban ioh ia ka jingsumar kaba paka.