Mynsaw 2 ngut, ba leit tynrah ka Scooty nadien ka Trok ha Umdihar

Nongpoh: Arngut ki ki samla kiba la shong ha kawei ka Scooty kaba don ia u number ML-10C-9269, ki la mynsaw hadien ba katei ka Scooty kaba ki shong, ka la leit ban tynrah nadien jong kawei ka trok kaba don ia u ML-11-0054, kaba dang ieng ha Umdihar.

Kitei ki arngut kiba shong ha katei ka Scooty, ki dei kiba don ha ka lynti ban hiar sha ki thain Nongpoh, hynrei haba ki la poi ha katei ka jaka, ki la kum leit ban tynrah nadien jong katei ka Trok bad kaba la pynlong ia kitei ki arngut ba kin da mynsaw jur.

Tang mar ia tip halor katei ka jingjia, ki briew na ka shnong Umdihar ki la pyntip sha ki pulit bad nangta ki Pulit ki la pyntip sha ki Ambulance bad kaba la pynlong, ba ia kitei ki briew kiba la sumar, ban leit shim mar mar na katei ka jaka, na ka bynta ban pynpoi sha Nongpoh Civil Hospital Nongpoh.