Shillong: Haduh 11 ngut ki briew ki la mynsaw bad la pynkit ia ki sha Civil Hospital bad Woodland Hospital ban shah sumar hadien ba kawei ka kali ka la syllad naphang ia ki paidbah kiba dang iaid lynti ha Iew Mawlong, katei ka kali ka dei kaba wan na ki thaiñ Anjalee. Katei ka jingjia ka la jia ha ka por 3:55 baje janmiet ha kaba kawei ka Maximo pick-up kaba don ia u nombar ML/05-Temp/2018-1636 kaba don ia ka rong lieh ba la ñiah da u Pynshailang Kharlyngdoh (24 snem ka rta) ka la syllad naphang ia ki briew kiba iaid lynti.
Ka kali kaba leit tynrah klumar ia ki briew ha Iew Mawlong