Mynsaw 10 ki pulit & 4 ki paidbah

Shillong, 5 Naiwieng:
Halor ka jingjia, kaba la jia hajan Civil Hospital, mynta ka sngi, ki la don 10ngut ki pulit, kiba mynsaw, kaba kynthup ia 5ngut ki pulit kynthei. Ka don kawei ka pulit kynthei, kaba la mynsaw, da kaba shah kawang maw, namar ba ka dei kaba don ha ka lain kaba ha khmat eh ha ka jing ia pyni bor bad kitei ki riew shim kabu. Ka jingkawang maw, ka la pynjulor ruh ia kawei ka kali jong ki pulit, ka Special Purpose Vehicle. Ka jingthwet ia kitei kiba donkti, ka dang iaid shakhmat, ong ka khubor pulit.
Ha ka jingiakulmar mynta ka sngi hapdeng ki pulit bad ki paidbah hakhmat u Mot Kiang Nangbah hajan Civil Hospital ha ka proseshon ba la khot da ki Rangbah Shnong, ki la don haduh 10 ngut ki pulit kiba la mynsaw bad kitei ki lng u Seberian Lyngkhi Head Constable, u J Kharmuti, Smtenu Sangma, Phelgamson C Momin, HC Prakash Ch Momin, K.B Chetri. Smt Silse G Momin, A Wanisha War, M Basaiawmoit. Katba na ka liang ki paidbah pat la ioh jingtip ba ki don 4 ngut ki khynnah samla kiba la mynsaw bad la pynkit ia ki hapoh Civil Hospital hynrei namarba dei ka jingmynsaw kaba rit la phah noh ia ki sha ing.