La iathuh ba U LIONEL MESSI, ula mynjur ha ka dor £623million bad leit pyniasoh bad ka Manchester City, kaba la khlieh da U Pep Guardiola.
U Messi, uba 33 snem ka rta, ula ioh bat hynriew sien ia ka khusnam Ballon d’Or un mih noh na Barcelona bad un leit sha katei ka Club thymmai, lada ka jingiakren ka iahap ha ki khyndiat sngi ban sa wan.
La iathuh ba U Messi, ula mynjur ia ka jing ia siew ia tda, kaba san snem kynthih bad katei kan shongdor £623m.Ha katei ka dur, U Messi, un dei u nongialehkai uba remdor tam ban ioh kamai na ka kam ialehkai phutbol, ha kaba ka jing kamai jongu, kan long £14,200 shi kynta, £341,000 shi sngi, £2.4m shi taiew bad £10.4m shi bnai.
U Ronald Koeman, u nonghikai jong ka Barcelona, u la kren shai ba kan bha ia U Messi, ba un mih noh, lada jia ba um kwah shuh ban dang iai don bad ka Club.
U Jorge Messi, u kpa jong U Messi bad u nongmihkmat jong U Messi, ki la mih hynnin ka sngi, da ka liengsuin jongki hi na Rosario, Argentina ban leit sha Spain ban iakren bad ki nong pyniaid jong ka Barcelona, halor katei ka rai ia U Messi ba un mih noh na katei ka Club.
Phi don ban ong eiei?