Mynjur u Lat ia ki EM, ioh ioh saw ngut ia ki tnad ba bun pisa

Shillong, 21 Jymmang:
U Lat thymmai ka jylla u  V Shanmuga na than  u la pdiang ia ka kyrteng jong ki Executive Members (EMs) thymmai ka KHADC jong ka PDF ha kane ka sngi Palei.
Haba iakren bad u Chief Executive Member (CEM) u Bah Pynshngaiñ N Syiem u la ong ba un sam doh kyndang ia ki EM ha kane ka sngi Thoh dieng.
Saw ngut ki MDC kynriah na ARPA sha PDF kynthup ia bah  PT Sawkmie, Bah James Sylliang, Kong Grace Mary Kharpuri bad u Bah Hadrian Lyngdoh ki ioh bat EM ha kane ka kynti ruh.
Kiwei pat kiba ioh EM ki long u Bah Antonio War, Bah Jansing Tynsong, Bah Lamphrang Blah, Bah Banteidor Lyngdoh bad u Bah Donevan Wanlang.
Kawei ka shuki EM ym pat rai iano ban pyndap haduh mynta.
Ka thymmei khubor ka iathuh ba ki lah ban pynrung ia u MDC ka Jirang u Bah Victor Ranee lane ia u MDC ka Umroi Bah Albinus Lyngdoh. 
Kine ki saw ngut kiba kynriah na ARPA, ki lah ban ioh bat ia ki tnad ba kham bun pisa kum ka Trade, Development, Forest bad Market.
La ioh jingtip ba u Bah Sawkmie uba la long Deputy CEM yn ioh ia ka tnad Development katba ka Kong Kharpuri kan ioh ia ka Professional Tax bad ka Market.
U Bah Sylliang un ioh ia ka Trade katba u Bah Hadrian un ioh ia ka tnad Forest department.
U Bah War un ioh ia ka Finance  katba u Bah Blah un ioh ia ka Elaka.
U CEM  un bat ia kiwei ki tnad bym ai ha kiwei ki EM.  
Na ka liang u CEM u la ong ba um pat rai la un bat kam ne em.  ”Ngan peit hadien ba la sam ia ki tnad sha kiwei ki EM”, la ong u Bah Syiem.