Mynjur u Lat ïa ka KHAD-VDB, hynrei ym pat pynbna ka sorkar: CEM

Shillong:U CEM ka KHADC u Bah T.W Chyne uba bat ruh ïa ka Development, u la ïathuh ba u Lat ka jylla u la dep ai jingmynjur ïa ka Khasi Hills Autonomous District Council Village Development Bill (KHAD-VDB) bad kan long ïa ka KHADC halor katei ka jingmynjur u Lat.

Ïa katei u la jubab ba la wanrah da u MDC ka Mawkhar Pynthorumkhrah constituency u Bah P N Syiem kaba ong ba hato katei ka Bill kan tyngkhuh ne em bad ki Chairman bad VEC ban pynïaid katkum ka aiñ.
“Ka jingkhu blei kyrpang ka long ïa baroh ba la ïoh jing mynjur bad mynta ka la long aiñ, hynrei kaba ïadei bad ka MGNREGA kan tyngkhuh ne em” buh jingkylli u Bah Syiem.

U CEM u la ïathuh ba wat la ïa ka Bill, la mynjur kaba sah mynta ka long ba ka sorkar jylla kan shon hapoh ka Gazette notification, bad hadien ba la pynbna ka sorkar jylla ka EC kan sa thaw ïa ka committee ban shna ïa ki kyndon aiñ ban shim baroh ki kam ba ïadei bad katei ka Bill.