Mynjur kyrtong ‘lang ka KHNAM

Shillong,28 Risaw:
Ka KHNAM haba jubab ia ka jingpan jingkyrshan ka People Forum Candidate na ka bynta ka elekshon MP 2014, ka la pynpaw ba ka seng ka long kaba kloi ban pdiang ia u kyrtong monlang ba la tyrwa da ka People Forum da kaba pynpaw ruh ba ka KHNAM ka kwah ia uta u kyrtong ban long uba la kloi ban ia kren ia ka khia ka shon ka jaitbynriew bad ban ia nohlang sha ka jingsngew donkam ban ioh ia ka Inner Line Permit (ILP) bad ruh u ban ia khun beit kum u kyrtong shimet ym na kano kano ka party, ong ka kyrwoh na u B.Wahlang General Secretary ka KHNAM.