Ka Supreme Court mynta ka sngi, ka la mynjur ban ailad ia ka jinglehniam Rath Yatra ha Puri, kaba la khang da ka sorkar Odisha, na ka daw jong ka khlam Covid 19.
Ha ka hukum, kaba mynta ka sngi, ka Court, ka la bthah pat ia ka sorkar Odisha, ba kan peit bad pyn sangeh noh, lada jia ba katei ka jing iaid paidbah ban lehniam, ka buh jingma pynban ia ka koit ka khiah ki paidbah.
Halor katei ka rai jong ka Kashari, U Amit Shah, myntri kam poh iing ka sorkar India, ula pynpaw ia ka jingsngew kmen kaba khraw, halor katei ka rai, ban ailad ia katei ka jingleit leh niam. “Mynta ka dei ka sngi kaba khraw tam ia ngi, khamtam ia ki hynmen ki para jongngi, ki Odia bad kumjuh ia kito kiba mane ia U Mahaprabhu Shri Jagannath Ji. Ka Ri baroh kawei, ka sngew hun mynsiem halor ka rai jong ka Supreme Court, ba ka Rath Yatra ka dei ban iaid beit” ong U Shah.
Ka sorkar India, ka la ong ia ka kashari, ba ka Ratha Jatra, ka dei ba iaid beit, khlem da ailad ban ia shim bynta paidbah, ha kaba la ong ba ka dei ka dustur lane ka jingngeit uba rim ba jah, ka bym bit satia ban khanglad.
Ka Rath Yatra, sha ka Jagannath Temple, ka ju dei ka jinglehniam, kaba ki shim bynta da ki bun lak ngut ki briew, kaba don ha ka rud duriaw ha Puri, hynrei ha kane ka kynti kaba mynta, la khang noh ia ka jingshim bynta paidbah, na ka khlam covid 19.
Wow ka sorkar india ka shad kmen ba ioh pynlong iaka lehniam hynrei balei pat ngi Shane ym long…. rss ideology suda pleng. ..ngi hap kyndit bynriew
Ia ka jong kiwei Khang, Na ka bynta ka Lehniam lajong pat hap ban tur shaduh sha Supreme Court. Stupid Goverment.
Haba leh niam ki Muslim ha Delhi ki ong ba ki wan rah ban pyn Phriang ia ka Khlam Covid-19. Mynta pat kata ka Lehniam ki Hindu ha Puri, kan wan rah aiu shuh tip.