Mynjur ka Parliament ka Nepal, ban pynkylla ia ka map, da kaba shim ia ki jaka jong ka India

Ka Parliament jong ka Nepal, ka la mynjur mynta ka sngi ban pyn kylla ia ka map jongka bad katei ka map kaba thymmai, ka kynthup ia ki jaka kiba hap hapoh India bad kitei ki long ka Limpiyadhura, Kalapani bad ka Lipulekh. Ka Inda, ka kyntait ia katei ka rai jong ka dorbar Nepal bad ka shim ba katei ka jingleh, ka dei ka bym shong nongrim satia bad katei ka dei ka rai kaba pyrshah, naduh ka 20tarik Jymmang 2020.

“Ka jing pynkylla ia ka riti synshar, katba kumba la mynjur da ka Parliament jong ka Nepal, ban pynkylla ia ka map jong ka ri, ka long da ka jing mynjur jong ar na ka lai bynta jong ka jing don briew” ong u lamphang dorbar.

Hynnin ka sngi, ka la don ka jing siat ha khappud jong ka India Nepal, ha Sitamarhi, Bihar, ha kaba ki shipai APF jong ka Nepal, ki la siat ia ki riew paidbah kiba don ha khappud. Ki shipai Nepal, ki la siat 15 sien bad uwei u briew, ula iap ha katei ka jing shah siat. La iathuh ba ki shipai jong ka Nepal, ki la maham ia ki nong India, ba kim bit ban rung sha khappud, namar ba ki leit pyn iabit jingpang coronavirus sha Nepal.