New Delhi: Ka Lok Sabbha, ka la mynjur mynta ka sngi, ia ka Citizenship Amendment Bill 2019.
Ka Congress bad ka Trinamool Congress, kim shym la shim bynta satia ha ka jing ia thep vote, hynrei ki la mih noh ia ka iing dorbar Lok Sabbha. Mar ia wan rah ia katei ka ain ha iing dorbar, da U Rajnath Singh, myntri korbar ri jong ka sorkar India, U Mallikarjun Kharge, nongialam ka seng Congress, u ieng ban kren, ha kaba ula pynpaw, ba ka seng Congress, kam pdiang satia ia katei ka ain “Ka don shibun ki jingdkoh bad ka long ka jingma kaba khraw ia ka jing ia tylli jong ka ri bad kam niew burom satia ia ka soskular Assam Accord bad ka dei ka kam kaba iadei bad ka riti trei kam jong ka ri, kumta phah biang sha ka Select Committee” ong U Kharge.
U Rajnath Singh, haba leit rah ia katei ka ain, ula ong ba katei ka ain, kan ailad ruh ia kito ki poiwir, kiba don ha ki khappud jong ka Gujarat, Rajasthan, Delhi, Madhya Pradesh ba kin kylla long ki nongshong shnong ba pura jong ka India bad ula ong ba katei ka ain kam ktah satia tang ia ka Assam marwei bad ula ong ba katei ka ain, kan trei kam ha baroh kawei ka Ri, ha kaba kitei ki nongshong shnong, kin lah ban leit sah ha kano kano ka bynta jong ka Ri India.