Mynjur ka kynhun myntri ka sorkar India ia ka ain CAB

Ka kynhun myntri jong ka sorkar India, ka la mynjur mynta ka sngi ia ka ain jong ka Citizenship (Amendment) Bill -2016 bad ia katei ka ain, yn leit rah ha Parliament ha ka taiew ka ban wan.

Ki nongialam ka seng BJP, ki shim ba ka ain jong ka CAB, ka dei kaba donkam shibun, ha kaba ka jingdonkam jongka, ka long hi kumjuh kum ka jing pynduh noh ia ka article 370.

U Rajnath Singh, u nongialam ka seng BJP, ula bthah ia baroh ki MP jong ka seng ba kin poi tista sha Lok Sabbha ha ki sngi ki ban sa wan, ynda haba yn leit rah ia katei ka ain ha Parliament.

Ka don ka jingkhmih lynti, ba yn leit rah ia katei ka bill, ha ka 7tarik Nohprah 2019.