Mynjur ka HPC, ia ka bynta ba ar jong ka iing dorbar jylla

Shillong:Ka High Power Commitee haba iadei bad ka jingtei ia ka Ïingdorbar thawaiñ jong ka jylla, ki la ia kynduh ha ka sngi palei ha Taj Vivanta jong ka Nongbah Shillong.

Kane ka jing ialang la wan ban shim bynta lang da u Lamphang jong ka ïingdorbar tha waiñ ka jylla, u Thomas A Sangma ,u Myntri Rang bah jong ka jylla, u Conrad Kongkal Sangma bad ki symbud myntri rangbah jong ka Jylla, kata u Bah Prestone Tynsong, u ma Sniawbhalang Dhar lem bad kiwei pat ki dkhot jong ka Ïingdorbar thawaiñ jong ka jylla, kumjuh ruh ki ophisar na ki tnat treikam bapher bapher jong ka sorkar.

Na ka liang jong u lamphang jong ka Ïingdorbar thawaiñ jong ka jylla, u Thomas A Sangma, u la iathuh ba ki mat ba la iakren ka long ban peit bniah biang ia ka jingtei ia ka ïingdorbar thawaiñ, ka bynta ba ar jong ka jingtei bad ka jing pynkhreh ia ki tiar jingiada.

U la iathuh ruh ba ka HPC ka la pdiang, Assembly Secretariat bad kiwei pat ki tnat treikam ba ha khmat ki la pdiang ia ka jingtyrwa na ka bynta ba ar, ha kaba ia kane yn phah sha ka tnat DoNER.