Shillong: “Hadien shibun ki jing iai kyrpad, ha ki khyndiat sngi ba ladep, na ki riew rangbah bad na ki kynhun sengbhalang, ngi na ka liang jong ka HNLC, ngi la rai ba ngin ailad sa shisien ia ka shongsuk shongsain” ong ka kyrwoh na U bah Sainkupar Nongtraw, General Secretary ka HNLC.
Ha u snem ba ladep, ka jing pyniap bein ia U Bah Cherish Thangkhiew, General Secretary barim ka HNLC, ka la pynthut ia ka jing iakren iasuk, ha kaba ka jingiap jongu, ka la wan rah ia ka jingdiaw mynsiem ia baroh kawei ka thain Hynñiewtrep bad la ong ruh, ba ula dei uba sngew donkam, ia ka jing iakren iasuk bad ka sorkar India.
Ha kane ka kynti ruh ka HNLC, ka kren shai, ba ka la mynjur ban iakren iasuk bad ka sorkar Meghalaya bad kumjuh bad ka sorkar India ruh kumjuh. “Mynta ngi la pdiang ban iakren ha ki kyndon jong ka riti synshar Ri bad ngi pdiang ban iakren, khlem da don kino kino ki jingbuh kyndon” ong ka kyrwoh ba la phah da ka seng, ha ka ktien English. La ong ruh hangne, ba ha kane ka sien, ka jing iakren, halor ka SA bad ka IOA, kan nym kynthup satia, hynrei lada ka sorkar India, ka mynjur, ka seng, ka pdiang ban iakren ia kata ruh.
Ka seng HNLC, ka kwah ia ka sorkar, ba kan thung noh ia u ksiang jongka ban pyni, ba ka sngewkhia ia kane ka kam, ong shuh ka kyrwoh na U bah Saiñkupar Nongtraw, General secretary cum Publicity secretary,HNLC.
Ngi ki samla ba Don jingthmu ban iasoh bad ka HNLC pat sha ei ngin leit? One nation one state Im junom RIKHASI
U r selected
Ka seng bad baroh ki nongialam hnlc ki dei kiba iatylli ,haba don ka jingiatylli kan wanrah iaka jingjop khamtam haba phi thmu iaka babha,hynrei kam dei pat ban don ka mynsiem arsap ne jingshet kylla Na ka liang ka sorkar ne hnlc
Kumno ym ia kren ia ka IOA bd SA kata te ia kren ia suk leh au don jingmut